Португалската фудбалска суперѕвезда Кристијано Роналдо одлучи дел од своето богато портфолио да го насочи кон светот на мешаните боречки вештини (ММА).
Роналдо официјално стана акционер во брзорастечката шпанска ММА-организација „WOW FC“. Оваа информација ја потврди самиот Португалец на социјалните мрежи.
„WOW FC“ годинава се позиционираше како една од водечките организации во ММА-секторот и неприкосновен лидер во Шпанија, а влегувањето на еден од најпознатите спортисти на планетата претставува вистинска пресвртница и за организацијата и за спортот.
„ММА го отсликува она во што навистина верувам, дисциплина, почит, издржливост и постојана потреба за извонредност. WOW FC гради нешто моќно и уникатно и навистина сум горд што станувам дел од овој проект, со цел да помогнам во развојот на спортот и да ја инспирирам следната генерација“, порача Роналдо преку својот профил.
🚨🚨| OFFICIAL: Cristiano Ronaldo becomes a shareholder in Ilia Topuria’s MMA league WOW FC, marking a major move into combat sports. 🇵🇹⚔️ pic.twitter.com/KDgx8lDg67
— CentreGoals. (@centregoals) November 27, 2025