Шкендија претрпе неочекувано висок пораз на гостувањето кај Арсими каде загуби со 0-3, со истиот резултат Тиквеш беше подобар од Башкими во двата денешни дуели од Првата македонска фудбалска лига.
Првото полувреме од мечот меѓу Арсими и Шкендија заврши без голови, а потоа се случи вистински потоп на тетовскиот тим.
На самиот старт од вториот дел Шефити постигна гол за водство на Арсими од 1-0, а три минути подоцна Таипи зголеми на 2-0.
Конечните 3-0 ги постави Јихији на 15 минути пред крајот на натпреварот.
Шкендија со овој пораз полека го губи чекорот кон одбрана на шампионската титула.
3-0 заврши и вториот денешен меч, Тиквеш во Кавадарци го победи Башкими.
На овој меч сите три гола беа постигнати во првото полувреме.
Серијата погодоци ја отвори Ивановски, а потоа погодија и Стојанов и Јонуз.