Во Скопје утре ќе допатуваат и полски ултраси!

Полската Јагелонија утре во Скопјее ќе игра против Шкендија во натпревар од Конференциската лига на УЕФА, а полскиот тим ќе има и поддршка од трибините.

Од тетовскиот клуб соопштија дека за овој меч најавено е присуство на околу 250 гостинси фанови кои на денот на натпреварот треба да пристигнат заедно со тимот.

Полската амбасада во Македонија преку официјално соопштение им препорача на навивачите да бидат внимателни, да се движат во групи и да избегнуваат раздвојување низ градот, поради можни инциденти со други навивачки групи.

Натпреварот се игра утре во терминот од 21:00 часот. Шкендија во натпреварот влегува со пораз од Рајо Ваљекано и победа со Шелбурн во минатото коло.