Брера Струмица е блокирана од ФИФА, не смее да регистрира играчи

Брера Струмица се најде во голем проблем откако ФИФА ѝ изрече забрана за доведување нови фудбалери во следните три преодни рокови.

Клубот од Струмица е внесен на официјалната листа на Светската куќа на фудбалот уште кон крајот на септември, што значи дека ограничувањето веќе е во сила.

Санкцијата е резултат на неплатени обврски кон странски играчи или тренери кои ги пријавиле своите побарувања до ФИФА. Организацијата реагира со вакви мерки за да ги заштити фудбалерите и да им овозможи да си ја добијат заслужената исплата.

Покрај Брера Струмица, на истата листа се наоѓа и Воска Спорт, поранешен прволигаш кој веќе не е активен во македонскиот фудбал.