Гарсија: Македонија тешко прима голови, но од нас ќе зависи кој ќе победи

Селекторот на Белгија, Руди Гарсија ја пофали македонската фудбалска репрезентација иако потенцираше дека тие решаваат кој ќе победи.

Македонија утре (петок) со почеток од 20:45 часот ѝ гостува на Белгија во важен квалификациски натпревар за Светското првенство.

Селекторот на домаќините, Руди Гарсија има пофални зборови за Македонија.

„Македонија е сериозен противник, кој ретко прима голови и знае како да ги искористи грешките на противникот. Сè уште верувам дека успехот ќе зависи од нашата игра и поставеност на теренот. Играчите се физички и ментално подготвени. Сите знаат колку е важно да продолжиме со добрите резултати. Целта е победа и преземање контрола во групата“, вели Гарсија.