Македонскиот интернационалец Илија Несторовски го постигна првиот гол во новата сезона во ХНЛ во дресот на Славен Белупо.
Прилепчанецот донесе победа за Славен на домашен терен против Истра 1961 (2-1). Гостите поведоа преку Кадушиќ, а Митровиќ израмни во 33. минута.
Несторовски во пресрет на завршницата даде ефектен гол и во 77. минута погоди за 2-1. Македонскиот напаѓач одигра добра акција со Шуто кој му ја одложи на Нестор, а овој ефектно реализира од шеснаесетникот.
