Проблем за Сити, се повреди скапото засилување пред градското дерби

Манчестер Сити пред голем проблем во пресрет на дербито со Јунајтед. Египетскиот напаѓач Омар Мармуш заработи повреда на коленото играјќи за репрезентацијата и сигурно ќе го пропушти натпреварот во недела, пишува „Гардијан“.

Мармуш беше заменет уште во деветтата минута од мечот со Буркина Фасо, а клубот потврди дека ќе се врати во Англија на нови прегледи и рехабилитација.

Ова е нов удар за Пеп Гвардиола кој веќе не може да смета на Рајан Черки и неизвесниот Фил Фоден. Единствена добра вест за „граѓаните“ е фантастичната форма на Ерлинг Халанд, кој постигна пет гола за Норвешка против Молдавија.