Рајо Ваљекано по цели 24 години повторно ќе игра во Европа, но за тројца негови навивачи оваа авантура заврши на погрешна дестинација. Наместо во Унгарија, каде што шпанскиот тим ќе се соочи со белорускиот Неман Гродно, семејството Гарсија заврши на Фарските Острови.
Причината е што верувале дека локалниот првак Клаксвик ќе се пласира понатаму, откако во првиот меч славеше со 2-0. Но, Белорусите на реваншот во Унгарија успеаа да ја анулираат негативата и по пенал-рулетот обезбедија место во следната рунда.
Така Рајо доби нов ривал, но Алваро и неговите родители веќе имаа купено авионски билети, па одлучиле да ги искористат и да ја посетат далечната земја.
„Рајо не дојде на Фарските Острови, но црвената лента беше таму“, напиша Алваро на социјалните мрежи, споделувајќи фотографија со дресот на својот клуб на празниот стадион.
Семејството за оваа несекојдневна авантура потрошило вкупно 4.700 евра, од кои дури 2.700 само за авионски билети.
El @RayoVallecano ⚡ finalmente no viajó a las Islas Feroe 🇫🇴 para jugar la @Conf_League en el Estadio Nacional de Tórvøllur frente al @KI_Klaksvik 🔵 pero la franja sí lo hizo ⚪🔴⚪ pic.twitter.com/Y0IW0Ocd4a
— Alvi ⚡ 100% 🇪🇺 (@alvi7_VK) August 20, 2025