Фудбалскиот клуб Шкупи се наоѓа во сериозни проблеми, бидејќи непосредно пред стартот на новата сезона нема регистрирано доволно фудбалери.
Чаирчани зад себе имаат турбулентно лето, донесоа дискутабилни засилувања, а „војната“ со навивачите беше јаготка на шлагот. Новата сопственичка структура се обвинува за местење натпревари, стадионот не поседува услови за имплементација и користење на ВАР системот, но далеку поголем од се е проблемот со регистрациите.
Шкупи треба в петок да ѝ гостува на Шкендија на стартот на сезоната, а во клубот нема 15 регистрирани фудбалери колку што е минимумот за натпреварување во ПМФЛ.
И покрај тоа, Шкупи „ладно“ си го најави стартот на сезоната со супер-дерби против Шкендија преку социјалните мрежи.
