Лука Јовиќ одби побогати понуди, останува во Европа и одбра интересен тим!

Лука Јовиќ ќе ја продолжи кариерата во редовите на АЕК Атина по заминувањето од Милан.

Српскиот фудбалер имаше понуди според кои ќе заработуваше многу повеќе на Блискиот Исток и во Мексико, меѓутоа сакаше да остане во Европа. Јовиќ го одбра грчкиот тим кој од клупата го предводи српскиот тренер Марко Николиќ.

Во Атина е подготвен двегодишен договор за Јовиќ, а тој се очекува на потпис со АЕК во текот на денот.

Кариерата на Лука Јовиќ тргна во Црвена Звезда, па преку Бенфика стигна до Ајнтрахт Франкфурт каде што блесна и го привлече вниманието за трансфер во Реал Мадрид. Потоа настапуваше за Фиорентина и Милан, а сега се приклучува на АЕК.