Јувентус и Милан си подадоа рака, Калулу се сели во гигантот од Торино

Според најголемиот дел од италијанските медиуми, Јувентус и Милан го договориле трансферот на централниот дефанзивец, Пјер Калулу.

Договорот е за едногодишна позајмица со опција трансферот да стане перманентен.

Јувентус ќе му плати на Милан 3,5 милиони евра за позајмицата на Калулу, а доколку сака целосно да го откупи фудбалерот ќе плати уште 14 милиони евра плус 3 милиони евра во бонуси.

Милан исто така ќе има и 10 проценти од следниот трансфер на Калулу.

Јувентус сега треба да ги договори личните услови со фудбалерот, се верува дека тоа нема да биде проблем.