Ханси Флик ќе ја чека Барселона!

Екипата на Барселона по сè изгледа ќе направи тренерска смена ова лето. Сагата со Чави Хернандез доби нова димензија кога тој отворено зборуваше за можностите (или неможностите) на трансфер пазарот, а тоа не им се допадна на челниците кои сега ќе го заменат.

Како прв кандидат за клупата на каталонскиот гигант е поранешниот тренер на Баерн Минхен и селектор на Германија, Ханси Флик.

Според пишувањата на угледниот Фабрицио Романо, Флик е подготвен да ја чека Барселона која е негов приоритет за следна средина. За Германецот би било исполнување на сонот да седне на клупата на Барса, па поради тоа ќе почека разврска на ситуацијата со Чави.