Како што веќе беше најавено, Марсело Гаљардо по авантурата во Саудиска Арабија се враќа „дома“.
Ривер Плата потврди дека стручњакот се враќа на кормилото на првиот тим. Гаљардо ја водеше и во минатото оваа екипа, а тој важи за најуспешниот тренер во клупската историја.
Со Ривер, Гаљардо освои вкупно 14 трофеи, од кои два беа во елитната Копа Либертадорес, а имаше и еден пораз во финалето. Последната авантура на клупата на аргентинскиот клуб му траеше од 2014 до 2022.
Потоа Гаљардо го водеше саудиски Ал Итихад, а во минатото кратко беше тренер и на Насионал. Сега се враќа во Ривер Плата како наследник на Мартин Демикелис.
