Фудбалскиот првак на Ла Лига, екипата на Реал Мадрид го доби првиот шпалир оваа сезона, откако во минатата рунда го обезбеди шампионскиот пехар. „Кралевите“ гостуваа кај Гранада, домаќинот го испочитува новиот првак, а потоа мадриѓани го декласираа со 0-4 (0-2).
Nothing but respect for Granada, certain clubs would rather d1e than do guard of honour for Real Madrid pic.twitter.com/0hEEUvKwHy
— WolfRMFC (@WolfRMFC) May 11, 2024
На овој натпревар Карло Анчелоти се реши да им даде поштеда на дел од ѕвездите, но и покрај тоа убедливо слави. Реал играше без Винициус, Родриго, Белингем, Валверде, Менди, Карвахал…
Гранада одолеваше на нападите на гостите до пред крајот на полувремето. Резултатот го отвори Фран Гарсија во 38. минута, а во втората дополнителна Арда Ѓулер удвои на 0-2. Во второто полувреме за десетина минуди двапати меѓу стрелците се запиша Брахим Диаз, за убедлива предност по еден час игра (0-4).
Овој натпревар немаше резултатско значење за двете екипи бидејќи Реал веќе е шампион, а Гранада второлигаш.