Познат бројот кој ќе го носи најголемото засилување на Јувентус

Екипата на Јувентус конечно успеа да се договори со Аталната за услугите на одличниот фудбалер за врска, Теун Копмајнерс.

Копмајнерс денеска пристигна во Торино каде што ги мина лекарските прегледи, а веќе утре неговиот трансфер треба и официјално да биде потврден.

Но, веќе е познато и со кој број ќе настапува холандскиот фудбалер. Копмајнерс ќе ја носи „осмицата“, а Тијаго Мота ќе може да смета на него уште во недела кога Јувентус ќе игра против Рома.

За услугите на Копмајнерс Јувентус ќе плати 52 милиони евра како оштета и уште седум преку бонуси.

Фудбалерот за врска е шесто засилување за клубот од Торино сезонава и се очекува токму тој да биде најголемото.