Барди доби „помилување“, се враќа во првиот тим на Трабзонспор

Откако еден месец беше надвор од првиот тим, тренерот Шенол Ѓунеш го врати Енис Барди меѓу првотимците на Трабзонспор.

Според најавите, тренерот ќе се обиде да го разбуди тимот, а за тоа му се потребни промени. Барди ќе има среќа и повторно ќе добие шанса да заигра за Трабзон иако се споменуваше заминување уште во јануари.

Освен Барди во првиот тим ќе се вратат хрватскиот крилен играч Мислав Оршиќ, дефанзивецот Денсвил и напаѓачот Бозок. Тренерот Ѓунеш не успеа да направи успешни резултати со строгиот пристап, па ќе им „попушти“ на неколкуте играчи меѓу кои и македонскиот капитен.