Зинедин Зидан попладнево се појави на прес конференција пред утрешниот дуел со Барселона. Реал Мадрид има два порази во низа, од Кадиз и Шахтар, па се шпекулира дека Зизу може да остане без работа доколку загуби на Камп Ноу.
„Знам што пишуваат весниците но не сум загрижен. Не е прв пат да се пишуваат вакви работи за мене. Минатата сезона пишуваа дека не ми бега отказ па на крајот ја освоивме титулата во Ла Лига. Се пишуваше за отказ и во мојот прв мандат. Јас сум фокусиран само на мојата работа, да дадам 100%, да понудам се што умеам, како што тоа го правам секогаш. Нормално е да има критики кога резултатите не се добри“ – вели Французинот.
Запрашан дали има поддршка од претседателот и играчите, тој додава: „Да, имам поддршка од сите. Имам освоено многу титули со овие играчи, па со нив сум до самиот крај, со нив сум до смрт бидејќи се борат, трчаат, го даваат максимумот“.
„Имавме два тешки порази па потребна е ракција. Во вакви ситуации, фудбалерите со карактер и квалитет истапуваат“.