Заза се договори со Милан но може да потпише само под еден услов

Симоне Заза може да пристигне во Милан, но само ако Никола Калиниќ биде продаден.

Калиниќ разочара откако пристигна од Фиорентина, не ги оправда очекувањата, па Милан сака да се ослободи од него. Како кандидати за неговиот потпис се споменуваа Севиља и Атлетико Мадрид, но засега нема ништо конкретно.

Во меѓувреме според „Газета дело спорт“, Милан постигнал согласност со Заза за четиригодишен договор вреден 2,5 милиони евра по сезона.

Валенсија би го дала на едногодишна позајмица со можност комплетно да биде откупен. Милан се согласиле, но зделката ќе се реализира само ако го продадат Калиниќ.