Дел од
италијанските медиуми наведоа дека Вест Хем има понуда на маса за фудбалерот од
средниот ред на Реал Мадрид, Матео Ковачиќ.
Речиси извесно е
дека 24 годишниот репрезентативец на Хрватска сака да си замине од редовите на
европскиот првак ова лето, а Вест Хем се појавува како најконкретна опција за
Ковачиќ.
Познато е дека за
услугите на Ковачиќ интерес имаат пријавено Јувентус, Рома и Наполи, но
Премиерлигата би била добра опција за него за која сериозно би подразмислил.
Сепак, во Шпанија
многупати се потенцираше дека Реал Мадрид нема намера да се откаже од услугите
на Хрватот, па останува отворено прашањето каква ќе биде неговата иднина во
клубот каде игра од пред три години, а досега забележа 73 настапи на кои
постигна и 1 гол.