Венгер му дава поддршка на Артета и смета дека тој може да биде тренерот кој следен ќе ја освои премиерлигата со Арсенал.
„Навистина верувам во тоа, изгледа дека добро се поврза со тимот. Тие го следат, со него се. Пазаревме добро, потрошивме многу пари во изминатите две години“, вели Венгер.
„Мислам дека има квалитет и квантитет на фудбалери, па може да оди по титулата, зошто да не?“.
Венгер се уште не се вратил во Арсенал откако замина од клубот во 2018 година.
„Не дека е болно, почувствував дека е подобро комплетно да се дистанцирам од клубот и луѓето во него“.
„Не знам кога и дали ќе се вратам, но не ја отфрлам опцијата“.
„Арсенал се уште е мој клуб, моја љубов. Се уште страдам кога не им оди добро и среќен сум кога работите се добри“.
„Кога зборувам за Арсенал се уште велам: „ние, ние, ние, ние“.