Нов пораз за Лидс и Алиоски, „белите“ денеска загубија на гостувањето кај Вест Хем. Избраниците на Бјелса добро го започнаа натпреварот, постигнаа гол во 6. минута, но ВАР го поништо поради офсајд.
90 секунди подоцна, повторно беше затресена мрежата на „чеканите“ но и овој пат голот беше поништен, топката го напушти теренот пред Рафиња да му асистира на Бамфорд.
Вест Хем го надмина овој период и доби прилика за водство од белата точка. Лингард го промаши пеналот, но прв дојде до одбиената топка и донесе 1-0 во 21. минута.
Во 28. минута избраниците на Мојс поведоа со 2-0. По еден корнер од десната страна, Доусон скокна највиско и ја затресе мрежата на Лидс.
Нашиот Езгјан Алиоски шанса доби на стартот од второто полувреме, но не можеше да помогне Лидс да избегне пораз. Гостите се обидуваа да се вратат во игра, имаа неколку шанси но никако не успеваа да ја затресат мрежата на Вест Хем.