Тухел: Имам фудбалери кои се гладни за успех, гладен сум и јас

Челси игра одлично под водство на Томас Тухел, се искачи на четвртата позиција која е и целта, но и за на крајот да бидат таму не смеат да се опуштат.

„Знам дека ви се досадни овие одговори, но ние на секој меч треба да бидеме подготвени на највисоко ниво бидејќи оваа лига не ви дозволува да паднете ниту еден процент“, вели Тухел.

„Сега треба да се рефокусираме на Евертон и ништо друго, резултатот сам ќе си дојде“.

„Има уште 11 натпреварот до крајот, тоа е многу, ние сме во трката. Брзо ја намаливме разликата и треба да продолжиме така“.

„Но оваа лига, Лигата на шампионите и ФА Купот не ни дава да се опуштиме, не смееме да бидеме релаксирани“.

„Имам група на фудбалери која е гладна за успех, гладен сум и јас, уште не сме завршиле“.