Нова епизода од
трансфер сагата на Илија Несторовски, еден месец по крајот на зимскиот
преоден рок, медиумите од Италија одново пишуваат за иднината на Македонецот.
Денешното издание на Тутоспорт пренесе дека „Нестогол“ веќе е таксан во Торино
за по крајот на сезоната.
„Биковите“ се
обидоа да го купат Илија Несторовски минатото лето, а тропнаа на вратата на
Палермо и во јануари, но „Сицилијанците“ не сакаа да слушнат за продажба.
Тутоспорт вели
дека претседателот на Торино, Урбано Каиро и спортскиот директор Џанлука
Петраки долго време се во контакт со Маурицио Ѕампарини но првиот човек на
Палермо го одложил трансферот за јуни.
Според некои
трансфер експерти веќе се е готово, двета страни начелно се договориле за преселба
на Македонецот во Торино. Веројатно се уште нема потпис на документите, но
Торино е во пол-позиција за потписот на Илија Несторовски.
Што се однесува
до деталите од зделката, Маурицио Ѕампарини бараше 15 милиони евра, но оваа
бројка ќе биде намелена а Торино дополнително ќе ја спушти сумата вметнувајќи
неколку играчи.
Дали ова ќе биде
трета среќа за Торино и сигурно враќање на Илија Несторовски во Серија А ќе
треба да почекаме уште малку и да видиме како ќе се одвиваат работите во
следните месеци.