Барселона четири натпревари по ред нема победа во Примера, три нерешени средби и еден пораз. Каталонците добро ја почнаа сезоната, но потоа следуваше голем пад.
Прстот покрај кон Валверде, вперен е и во Пике кој игра во очајна форма, направи пет грешки во серија кој го чинеа тимот девет бода.
Серијата грешки ја почна против Жирона каде киксираше два пати овозможувајќи два гола на противникот. Потоа направи голема грешка против Леганес која според многумина е најлошата во неговата кариера.
Следуваше натпреварот со Атлетик Билбао во кој не беше фокусиран на акцијата на противникот и не се извлече навремено како неговите соиграчи па поради неговото невнимание наместо офсајд, противникот даде гол.
Вчера против Валенсија по корнер на противникот сакаше да ја исфрли топката со глава, таа му удри во грбот асистирајќи му на Гарај кој постигна гол.
Нема сомнение дека ова е најлошиот период во кариерата на Пике.