Иско не ужива голема минутажа кај Солари, Шпанецот вчера влезе од клупата за резерви против Барселона и ги одигра првите минути по еден месец.
Плејмејкерот не успеа да им помогне на „кралевите“ да избегнат нов пораз од лутиот ривал, но затоа пак е во центарот на вниманието поради еден момент од последните мигови од мечот.
Непосредно пред судијата да отсвири крај, Лео Меси имаше шанса да стави точка на натпреварот со убав гол од врвот на шеснесетникот, но неговиот обид заврши крај стативата.
По оваа акција, камерите го уловија Иско како му дофрла нешто на Аргентинецот. Лео убаво се насмеа на коментарите, но тешко дека медиумите ќе дознаат за што двајцата разговарале со оглед на тоа дека фудбалерот на Реал итро ја стави раката над устата.
Но тоа не ги спречи фановите на социјалните мреши да се шегуваат и да нагаѓаат. Најголемиот дел од коментарите се дека Иско побарал од Меси да му среди трансфер во Барселона.
Messi with Isco
The only player in real madrid i wish him to play for Barcelona pic.twitter.com/rqbOCvncgs— Mohammed Shawkat (@Mo_shawkat6) March 3, 2019