Шоу на Меси и Гризман, Барселона убедлива кај Гранада (ВИДЕО)

Барселона влегува во форма, по одличното издание кај Атлетик Билбао, денеска славеше убедлива победа кај Гранада.

Во центарот на вниманието беа Лео Меси и Антоан Гризман кои постигнаа по два гола.

Серијата ја отвори Гризман, по грешка на домашната одбрана една топка дојде до Французинот кој лесно ја смести во мрежата за водство од 1-0.

Во 35. минута Меси со убаво пласиран удар зголеми на 2-0, а седум минути подоцна со шут од слободен удар зголеми и на 3-0.

Конечните 4-0 ги постави Гризман во 63. минута од натпреварот.

Со овие три бода Барселона се искачи на третата позиција на табелата.