Солскјер викендов ќе дебитира на клупата на Манчестер јунајтед, тој ја одржа и првата прес конференција како тренер на тимот.
„Фергусон има големо влијание на мене во се. Начинот на кој се справуваше со луѓето, начинот на кој го менаџираше клубот, како успеа да задржи 15 интернационалци среќни и гладни за победа, кои сакаат да напредуваат и тие и стручниот штаб. Тој беше мој ментор. Од 2003 си запишував како тој се справува во одредени ситуации“, вели Солскјер.
„Веќе имав контакт со него, нема подобар човек за совет од него во оваа ситуација“.
„Кога сте фудбалер на Манчестер јунајтед има одредени барања кои треба да ги исполните, едното од нив е да бидете тимски играч“.
„Мислам дека нема фудбалер кој повеќе од мене бил на клупата па секогаш можам да им кажам на играчите дека никогаш не знаете каков импакт може да имате, секогаш кога ќе влезете треба да ја зграбите шансата која ја имате и сите ќе добијат своја шанса“.
„Кога играте за Манчестер јунајтед треба да играте без страв, со мотив да излезете и да покажете што знаете“.