Англиските медиуми пишуваат дека Солскјер не мисли дека Ливерпул може да ја освои титулата и тоа им го кажал на своите фудбалери во соблекувалната.
Големо е ривалството меѓу Манчестер јунајтед и Ливерпул, имаше многу тензија и повредени фудбалери на нивниот последен меч во кој немаше фудбалска убавина, ниту голови.
„Оле не е импресиониран од Ливерпул, тој им кажал на своите фудбалери дека силно верува дека тие нема да можат да го победат Сити во битката за титулата. Тој мисли дека се многу еднодимензионални и им недостасува креативност. Тој верува дека неговиот тим е подобар од Ливерпул“, изјави извор од Манчестер јунајтед за „Сан“.
Ливерпул има бод предност пред Манчестер Сити на 11 натпревари до крајот, тие се во лов на првата лига титула по 1990 година.