Славија Прага на Јутјуб објави видео како најава за дуелот со Лестер а клубот од Англија особено го погодија едни коментари за капитенот Каспер Шмајхел.
Новинарот Јири Хошек рече дека голманот има проблем со „здрав животен стил“ и дека строг тренер кој бара играчите да бидат во топ форма, ќе му нареди на Данецот да ослабне пет или десет килограми.
Тој потоа сензационално изјави дека Каспер Шмајхел е единствениот голман во Премиерлигата кој носи корсет под дресот.
Ваквите коментари не одекнаа добро во Лестер, па Славија Прага мораше да се извини.
„Дуелот со Лестер е специјална прилика, имаме голем почит за клубови и нивните играчи. Жалиме што одредено мислење го разбраа како навреда. Немавме таква намера, Со нетрпение ги чекаме двата натпревари“ – рече претседателот на клубот, Јарослав Тврдик.