Се погласни се
критичарите дека Тијаго не може да се прилагоди во Ливерпул, многумина сметаат
дека тој ја кочи играта на составот предводен од Јирген Клоп, па како доказ
постојано ја споменуваат статистиката која секако не оди во прилог на Тијаго.
„Тој само треба
да стои во средината од теренот, ништо повеќе од тоа, да ги контролира
тамошните случувања, да носи фудбалери во самата игра, а во тоа е исклучително
добар, се прашувам дали овој негов стил на игра се совпаѓа со играта на
Ливерпул, односно стилот на игра кој го негува овој клуб“ смета Сколс.
„Се чини дека Тијаго
не се совпаѓа во идеите на Клоп, не е негов тип на фудбалер, нели? Само
погледнете какви фудбалери тој преферира да има во средината, па и во нападот,
во нивната игра се’ е со
брзина од сто километри на час“ додава тој, а потоа изнесе и тврдење дека
Тијаго би се прилагодил на играта во Манчестер јунајтед.
„Сметам дека Тијаго
подобро би се прилагодил во тим како Манчестер јунајтед, со двајца во средниот
ред со задачи кои тој ги знае мошне добро, во тим каде што би ја контролирал играта“
тврди тој.
„Од моја гледна
точка, не гледам дека Клоп и Ливерпул ги контролираат натпреварите, јас ги
гледам како целосно напаѓаат со сите сили одеднаш кон противничкиот гол, а
Тијаго ја нема таа енергија како фудбалер од средниот ред“ заклучи легендарниот
Сколс.