Скандал се случи на припремите на Хајдук на летните подготовки во словенечки Блед. Капитенот и најголемата ѕвезда на сплитскиот клуб, Марко Ливаја, е отстранет од тимот поради кршење на клупскиот дисциплински правилник и предвреме ќе се врати во Сплит.
Според хрватските медиуми, инцидентот се случил откако фудбалерите поради доцнење на тим-билдинг активност останале половина час подолго од предвиденото. Поради тоа, стручниот штаб им изрекол дисциплинска мерка – дополнително трчање.
Сите играчи ја прифатиле и ја одработиле казната, освен Ливаја, кој одбил да трча. Наводно, токму овој потег дополнително ги влошил односите меѓу новиот тренер Гонзало Гарсија и искусниот напаѓач.
Дека Ливаја нема да ги продолжи припремите потврди и Хајдук.
„Марко Ливаја предвреме ќе ги напушти подготовките во Блед и ќе се врати во Сплит. Одлуката е донесена поради прекршување на клупскиот дисциплински правилник и непочитување на правилата што важат за време на подготовките“, соопштија од клубот.