Напаѓачот на РБ Лајпциг, Бенџамин Шешко почна да го следи Арсенал на социјалните мрежи, па многумина оваа го протолкуваа како сгинал дека напаѓачот е пред трансфер на Емирати.
„Топчиите“ сакаат ова лето да ангажираат нов голгетер, на листата со желби има неколку имиња, но две отскокнуваат – Виктор Ѓокереш од Спортинг и Бенџамин Шешко од РБ Лајпциг.
Словенечкиот фудбалер сега предизвика трансфер лудило со еден потег на социјалните мрежи откако почна да го следи Арсенал.
❤️🤍🎯 New social media hint by Benjamin Šeško as the striker has started following Arsenal on Instagram today. ⤵️ https://t.co/XWNp5O3F5C pic.twitter.com/5A2lrO9B9t
— Fabrizio Romano (@FabrizioRomano) June 25, 2025
Многумина ова го протолкуваа како сигнал дека напаѓачот е пред трансфер на Емирати.
Останува да се види дали ќе се реализира една ваква зделка, низ медиумите кружат различни информации за тоа каде запнале преговорите.
Едни извори пишуваат дека фудбалерот бара преголема плата, додека пак други дека РБ Лајпциг бара премногу пари за да даде зелено светло за продажба.
ФОТО: X/RB Leipzig