Фудбалерот на Струга Буњамин Шабани присуствуваше на денешната прес-конференција со тренерот Илчо Ѓорѓиоски (ТУКА) и го најави утрешното финале во Купот на Македонија.
Како што истакна Шабани натпреварот ќе биде од голема важност за Струга и верува дека имаат фудбалери кои можат да им донесат победат.
„Утре за нас натпреварот ќе биде од голема важност. Подготвени сме сите, секој фудбалер ќе дададе се од себе и мислам дека можеме да дојдеме до трофејот. Сите сме искусни фудбалери и живееме за вакви натпревари, па не верувам дека тоа што ќе имаме помалку навивачи ќе биде проблем.
Секој натпревар е натпревар за себе, ќе излеземе на теренот да го покажеме тоа што го знаеме и да ги оствариме замислите на тренерот.
Со Вардар игравме повеќе натпревари оваа сезоан, но ова е финале и во вакви натпревари нијанси одлучуваат кој ќе биде победникот на крајот“, изјави Шабани.
Натпреварот се игра со почеток од 20:00 часот.