Како што стојат работите македонскиот репрезентативец, Елиф Елмас е се поблиску до преселба во Валенсија.
Имено, Валенсија одлучи да го врати Максимилиано Кафуриз кој беше на позамица од Клермон и на него нема да смета за вториот дел од сезоната. Оваа информација е важна за Елмас затоа што станува збор за фудбалер кој игра на неговата позиција.
COMUNICADO OFICIAL | MAXIMILIANO CAUFRIEZ
— Valencia CF (@valenciacf) January 27, 2025
Очигледно во Валенсија се подготвени да му дадат прилика на Елмас редовно да игра и да ги покаже своите квалитети.
Македонскиот фудбалер токму поради слабата минутажа го напушти Наполи и се пресели во Лајпциг, но во Германија се случи спротивното и доби и помала минутажа отколку што имаше во калчолигашот.
Елмас во Валенсија се очекува да пристигне на позајмица до крајот на сезоната, а шпанскиот тим нема да има право на откуп и за неговата иднина повторно би се разговарало на лето.