Само еден човек во Реал верува дека може да го купат Олисе ова лето!

Ѕвездата на Баерн Минхен, Мајкл Олисе се посилно се поврзува со трансфер во Реал Мадрид, но малкумина веруваат дека Баварците ќе се откажат од својот клучен фудбалер.

Информациите од Шпанија велат дека извршниот директор на Реал Мадрид, Хозе Анхел Санчез и главниот скаут, Хуни Калафат сметаат дека е невозможно да се потпише со Мајкл Олисе ова лето.

Единствениот во Реал Мадрид кој верува дека е можно Олисе да пристигне на Бернабеу е претседателот, Флорентино Перез.

Иако е свесен дека ќе биде многу тешко, тој верува дека може тоа да го направи.

Се очекува по крајот на Светското првенство да се интензивира притисокот на Реал Мадрид за купување на Олисе.