Русинките пресилни, Македонија убедливо поразена на вториот натпревар во Струмица

Македонската женска фудбалска репрезентација двапати беше поразена од Русија во пријателските натпревари одиграни во Струмица.

На првиот натпревар на стадионот „Младост“, избраничките на селекторот покажаа борбеност и солидна игра, но Русинките ја искористија својата надмоќ и со головите на Полина Јукљаева и Залмиева славеа со 2-0.

Во вториот натпреевар Русија беше уште поубедлива. Гостинките поведоа уште во 15. минута преку Марија Дурнова, а во второто полувреме го потврдија триумфот со четири нови погодоци. Јукљаева повторно се запиша меѓу стрелците, додека Ишмухаметова постигна два гола, а конечните 5-0 ги постави Жукова.

Двата меча послужија како добра проверка за македонскиот тим во пресрет на претстојните квалификациски предизвици.