Триумфот на Ајакс од 1-4 на Бернабеу и елиминацијата на Реал во Лигата на шампионите која се случи вечерва одекна како бомба во светот на фудбалот.
Коментари и анализи пристигнуваат од сите страни, а Фабио Капело смета дека овој натпревар посебно ќе го мотивира Кристијано Роналдо и неговите соиграчи до Јувентус.
„Кристијано Роналдо сигурно ја гледал елиминацијата на Реал, овој пораз ќе го мотивира, но не само него, туку и сите во Јувентус. Сега „бјанконерите“ треба да покажат дека и тие можат да направат кам-бек. Ќе биде интересно доколку двата тима од Мадрид се елеминирани во годината кога финалето од Лигата на шампионите се игра во престолнината на Шпанија“ – вели искусниот стратег.
Следниот вторник, Јувентус пред своите фанови ќе треба да надополни негатива од 2-0 против Атлетико Мадрид.