Вечерва се одржа
Гран Гала дел Калчо, Асоцијацијата на фудбалери од
Италија ги избираше најдобрите во сезоната 2019/20. Кристијано Роналдо, кој
постигна 31 погодок, беше прогласен за Фудбалер на годината во Серија А.
„Сакам да им се
заблагодарам на соиграчите, без нив ова немаше да биде возможно. Сакам да им се
заблагодарам и на оние кои гласаа за мене. Конзистентност, верба во моите
квалитети, напорна работа и пасија се тајните за успех и уживање во фудбалот.
Исто така, без мотивација и без дисциплина нема шанси да играте на врвно ниво
на 35 или 36 години“ – вели Португалецот.
„Годината беше
чудна, година која никој не би ја посакал, но на лично и тимско ниво, беше
позитивна, станавме шампиони на Италија. Имавме неуспех во Лигата на шампиони,
но фудбалот е така. Беше чудно да се игра пред празни трибини, но целта беше да
се освои титулата и го сторивме тоа“.
Покрај Кристијано
Роналдо, награди доби Аталанта за најдобар тим, Гасперини беше прогласен за
најдобар тренер додека во тимот на годината се најдоа Донарума, Госенс, Де
Врај, Бонучи, Тео Ернандез, Барела, Луис Алберто, Папу Гомез, Дибала, Имобиле и
Кристијано Роналдо.