Кристијано Роналдо конечно ја оствари својата цел во Саудиска Арабија, откако во својата четврта сезона и по 14 неуспешни обиди, дојде до првата титула во првенството со Ал Наср.
Клубот од Ријад ја освои шампионската титула во домашното првенство, откако во последното коло го совлада Дамак со убедливи 4-1 и ја заврши сезоната со 86 бодови, два повеќе од Ал Хилал. За да го обезбеди првото место, на Ал Наср му беше потребна било каква победа и ја оствари.
Резултатот го отвори Садио Мане во 34. минута, а на стартот од второто полувреме Кингсли Коман зголеми на 2-0. Дамак накратко се врати во игра преку погодок од пенал за 2-1, но потоа Роналдо со два гола ги разреши сите дилеми околу победникот.
Ова е прв трофеј за Роналдо во саудискиот фудбал и вкупно 34-ти во неговата кариера. На клупско ниво, тој не освоил титула од 2021 година, кога со Јувентус го освои Купот на Италија.
Ronaldo wins the Saudi League with a free kick like it’s the script of a Hollywood moviepic.twitter.com/ngD1Kt96dl
— Troll Football Media (@TrollFootball2) May 21, 2026