Барселона има фантастична статистика на Сантијаго Бернабеу во последните десетина години, дека им лежи теренот на најголемиот ривал се виде и денес.
Реал Мадрид во натпреварот влезе со 1-1 од Камп Ноу и ја имаше предноста од гол на гостински терен, но не успеа.
Кралскиот клуб беше подобар во првото полувреме, имаше доста шанси за гол, не реализираа Винисиус и Бензема, а казната стигна во вториот дел.
По само пет минути игра во второто полувреме Луис Суарез донесе предност на Барселона, со овој резултат Каталонците одеа во финалето.
Но тие не само што го задржаа водството, на крајот славеа у убедлива победа, Варан си постигна автогол за 2-0, а конечните 3-0 ги постави Суарез од пенал.
Веќе во сабота Реал Мадрид ќе има шанса за одмазда, на Сантијаго Бернабеу повторно гостува Барселона, овој пат во натпревар од Примера.