Дибала не е во преден план кај Андреа Пирло, аргентинскиот фудбалер веќе покажа незадоволство и можеби конечно ќе одлучи да го напушти клубот.
Реал Мадрид ги следи случувањата со Дибала и подготвен е да реагира уште во јануарскиот преоден рок.
Кралскиот клуб е подготвен на Јуве да му ги понуди Винисиус и Иско за да го добие Дибала.
Со овој потег Реал Мадрид се надева дека не само што ќе го добие Дибала туку и ќе ја подобри атмосферата во соблекувалната.
Пред само некој ден беше објавена снимка како Бензема му вика на Менди да не му подава на Винисиус бидејќи тој не е доволно добар и само му прави штета на тимот. Ваквите зборови на напаѓачот ќе влијаат дополнително за нарушување на односите во тимот.
И Иско беше уловен како се жали од одлуките на Зидан да не го игра често во тимот.