Првиот пораз на Тухел како тренер на Челси е вистински дебакл, ВБА даде пет гола на Стемфорд Бриџ (ВИДЕО)

Киксовите во овој период од сезоната може скапо да чинат. Челси влезе како голем фаворит против ВБА, но доживеа вистински дебакл.

А натпреварот почна идеално за Челси, во 27. минута Пулишиќ постигна гол за водство од 1-0, но само две минути подоцна повратникот во тимот Тиаго Силва доби втор жолт картон и го остави домаќинот со играч помалку.

Во судиското продолжение од првиот дел Переира даде два гола за комплетен пресврт и водство на ВБА од 2-1.

Во 63. минута Робинсон зголеми на 3-1 за ВБА, пет минути подоцна Диање погоди за 4-1.

Течеше 71. минута кога по асистенција од Вернер кој како да се исплаши да шутне, па додаде, Маут даде гол за 4-2.

Но во судиското продолжение од мечот Робинсон реализираше за конечни 2-5.