Објавени се прелиминарните резултати за најдобар млад фудбалер, а очекувано, на врвот на ранг-листата се имињата на двајца талентирани играчи од Барселона.
На самиот врв се наоѓа Ламин Јамал, но со оглед на тоа што младиот бисер на каталонскиот гигант веќе ја освои наградата минатата година, оваа сезона не влегува во конкуренција. Тоа ја отвора вратата за неговиот соиграч, Пау Кубарси, кој веќе важи за главен фаворит.
Кубарси блесна оваа сезона и за кратко време се етаблираше како стандарден првотимец во Барса, при што остави силен впечаток со зрелата игра и дефанзивната стабилност што ја внесе во екипата на Чави Ернандес. Сѐ повеќе фудбалски експерти и медиуми го гледаат како следниот лауреат на престижното признание.
