69
Јувентус повторно го заврши настапот во ЛШ во осминафинале, вечерва го победи Порто со 3-2, но поради гол во гости, шампионот на Португалија оди понатаму.
„Кога ќе направите четири големи грешки во 180 минути во осминафинале во Лигата на шампиони, ќе бидете елиминирани“ – вели Андреа Пирло.
„Ќе ни требаат неколку дена за да го извадиме овој меч од мислите, но потоа ќе треба на секој меч да му пристапиме на прав начин. Се уште е март, можеме да напредуваме на табелата во Серија А“.
Маурицио Сари доби отказ по елиминацијата во осминафинале, но Андреа Пирло не стравува за својата работа.
„Не знам зошто Сари беше избркан. Знам само што ми ветија мене, проект кој ќе се развива неколку години, па не сум загрижен“.