Пато се враќа во Милан?

Бразилецот помина пет и пол сезони во Милан помеѓу 2007 и 2013 година, но неговиот учинок беше лимитиран порди серијата повреди.

Тој постигна 63 голови во 150 натпревари пред да се врати во Бразил и да го облече дресот на Коринтијанс. Во моментов игра во Кина.

„Газета дело Спорт“ и „Кориере дело Спорт“ пишуваат дека Пато е опција за Милан во јануари.

Италијанскиот клуб посакува да го врати Ибрахимовиќ од Лос Анџелес Галакси, но Пато би можел да биде алтернатива.

Проблем е неговата откупна клаузула во Кина која изнесува 25 милиони евра, сума која Милан нема намера да ја плати.

Платата на Пато е девет милиони евра по сезона, но тој можеби ќе се согласи да потпише за помала сума само за да се врати во Милан и во Европа.