Поранешниот напаѓач
и легенда на Ливерпул, Мајкл Овен верува дека Садио Мане не изнудил удар од
белата точка за Ливерпул во синоќешниот минимален пораз дома од Челси поради
тоа што не сакал Мохамед Салах да добие нова можност да погоди од пенал.
„Постои еден
момент од првото полувреме кога секој навивач на Ливерпул во светот веројатно
би подвикнал ‘Тоа е пенал!’, едноставно не можам да поверувам дека не падна за да изнуди пенал“ смета Овен.
„Не му судам за
тоа што го прави, но, сосема нормално е офанзивците да паѓаат во такви
ситуации, само се запрашувам што си мисли во себе во таква ситуација, ‘Чекај
малку, ќе се обидам да постигнам гол, бидејќи, доколку не останам на нозе Салах
ќе добие нов пенал’“ додава тој.
„Сите сме свесни
за тоа колку се компетитивни офанзивците во сите тимови, истовремено и сите сме
свесни колку се напаѓачите и себични, во одредени сегменти од играта секако“ заклучи поранешниот напаѓач на „Редсите“.