Официјално: Заврши сагата на Смолинг, тој е играч на Рома

Во последниот ден од преодниот рок Рома и Манчестер јунајтед конечно си подадоа рака за трансфер на Крис Смолинг.

„Рома со задоволство може да соопшти дека потпиша со Крис Смолинг од Манчестер јунајтед. Сумата е 15 милиони евра. Играчот стави потпис на договор до 30 јуни 2023“, стои во соопштението на Рома.

Смолинг минатата сезона настапуваше како позајмен во дресот на Рома, одигра 37 натпревари и постигна три гола.

„Во животот работите кои ти значат никогаш не доаѓаат лесно. Мојата глава и моето срце секогаш останаа во Рома. Многу сум среќен што сум еден од вас. Напред Рома“, изјави Смолинг.