Официјално: Буфон потпиша за ПСЖ

Завршија сите формалности, ПСЖ преку својот официјален сајт го потврди ангажманот на Џиџи Буфон.

„ПСЖ со големо задоволство може да соопшти дека потпиша со Џанлуиџи Буфон. Тој потпиша едногодишен договор со опција за уште една една сезона доколку за тоа се согласни клубот и играчот“, стои во соопштението на ПСЖ.

Буфон вели дека е среќен што ќе го брани голот на ПСЖ.

„Со големо чувство на среќа потпишав за ПСЖ. За прв пат во мојата кариера ја напуштам мојата земја и само ваков амбициозен проект можеше да ме натера да донесам таква одлука. Им благодарам на клубот и претседателот за нивната доверба. Ќе ги внесам мојата енергија, искуство и верба за да му помогнам на мојот нов клуб да ги оствари целите кои ги има зацртано“, изјави Џиџи Буфон.