Арсенал ќе разговара
со својот капитен Пјер-Емерик Обамејанг откако на социјалните мрежи се појави
видео на кое Габонецот добива нова тетоважа на себе, а сето тоа поради
прекршување на протоколите за заштита од ковид-19.
Алехандро Николас
Бернал го објави видеото пред една седмица, а обајцата не носеа маски, со тоа
што се постави дилемата околу тоа колку фудбалерите на Арсенал ги почитуваат
предвидените протоколи во период на пандемија.
„Ќе разговараме
со фудбалерот за да го потсетиме на неговата одговорност која ја носи со себе,
како и фактот што треба да биде пример за останатите“ изјави портпаролот на
Арсенал.
„Атлетик“
наведува дека се’ дури
Арсенал не ја истражи докрај оваа приказна, нема да се преземат дополнителни
активности против Обамејанг, кој доколку го прекршил протоколот, речиси сигурно
ќе сноси и последици.