83
Иако беше апсолутно подобар во текот на целиот натпревар, Палермо тешко извојува победа против Фросиноне во првиот финален натпревар.
Гостите поведоа со фантастичен погодок на Чиано уште во 5. минута. Палермо имаше серија напади пред конечно во 45. минута преку Ла Гумина да го изедначи резултатот.
Победата дојде на десет минути до крајот кога Теранова си постигна автогол за победа на Палермо од 2-1.
Несторовски ги одигра сите 90 минути, Трајковски во игра влезе во 68. минута.
Реваншот се игра во сабота во 20:30, Фросиноне е домаќин, но квалитетот и резултатот од првиот меч е на страната на Палермо.